Намозни хушуъ билан ўқиш учун нима қилиш керак?

0

Савол:

Намозни хушуъ билан ўқиш учун нима қилиш керак?

Жавоб:

Алҳамдулиллаҳ;
Намозни хушуъ билан ўқиш учун аввало инсон ибодат қилаётганини, бу ибодат қабул қилиниши учун биринчи навбатда холис Аллоҳ учун қилинмоғи шарт эканини унутмаслиги керак. Инсон ўзи ибодат қилаётган зотни, яъни Аллоҳ таолони яхши таниши бу ибодатни хушуъ ва хузуъ билан адо этишига ёрдам беради. Чунки инсон Аллоҳ таоло уни кўриб турганини ҳис қилса намозни хушуъ билан ўқишга ҳаракат қилади. Шунингдек, намозда айтиладиган дуо, зикр ва Қуръон тиловатларини тушунган ҳолда, маъноларини англаб, шу маъноларни ҳис қилган ҳолда ибодат қилиш ҳам намозда хушуъ пайдо бўлишига катта ёрдам беради. Шунинг учун ҳам салафи солиҳларимиз: “Тушуниб ўқиган намозинггина сенинг фойдангга бўлади” – деганлар, валлоҳу аълам.

Муҳаммад Ҳабибуллоҳ (Акбар Саматов): 1988 йил Самарқанд вилоятида таваллуд топган. Ўрта мактабни тугатганидан сўнг диний илм ўрганиш ниятида Тошкент шаҳридаги Кўкалдош мадрасасига ўқишга кирган. У ерда икки йил таълим олганидан сўнг араб тилини мукаммал ўрганиш мақсадида Миср Араб Республикасига бориб, у ердаги Ал-азҳар университетига ўқишга кирган ва университетнинг Исломий Шариат факултетини тугатган. Бошланғич ва асосий илмини шайх Содиқ Самарқандийдан олган. Шунингдек, Абу Исҳоқ Ҳувайний, Мустафо Адавий, Ториқ Эвазуллоҳ, Ваҳид Абдуссалом Болий, Ҳасан Ёсир каби шайхлардан таълим олган. IxlosOrg саҳифасининг асосчиларидан бири. 2013 йилдан буён Туркияда истиқомат қилиб, даъват ва диний таълим соҳаларида фаолият юритиб келмоқда.

Изоҳ қолдиринг