Биринчи хотинга билдирмасдан иккинчи хотинга уйланса бўладими?

0

Савол:

Холамнинг қизи бева. Икки марта турмуши бузилган. Битта фарзанди бор. Ҳозир у бир оилали йигитга турмушга чиқмоқчи. Йигит биринчи хотинини ёқтирмас экан. Бу никоҳдан йигитнинг биринчи хотини бехабар, лекин ота-онасининг хабари бор. Шу никоҳга гувоҳ бўлсам бўладими?

Жавоб:

Алҳамдулиллаҳ;
Ҳа, бўлади. Чунки эркак иккинчи аёлга уйланишини биринчи хотинига билдириши шарт эмас, валлоҳу аълам.

Кўпхотинлилик ҳақида батафсил маълумот олиш “Кўпхотинлик – ислом ҳукмларидан бири” номли мақолани бўлажак куёвга ҳам, келинга ҳам ўқитишингизни тавсия қиламиз.

Фатво рақами: 2117003

Муҳаммад Ҳабибуллоҳ (Акбар Саматов): 1988 йил Самарқанд вилоятида таваллуд топган. Ўрта мактабни тугатганидан сўнг диний илм ўрганиш ниятида Тошкент шаҳридаги Кўкалдош мадрасасига ўқишга кирган. У ерда икки йил таълим олганидан сўнг араб тилини мукаммал ўрганиш мақсадида Миср Араб Республикасига бориб, у ердаги Ал-азҳар университетига ўқишга кирган ва университетнинг Исломий Шариат факултетини тугатган. Бошланғич ва асосий илмини шайх Содиқ Самарқандийдан олган. Шунингдек, Абу Исҳоқ Ҳувайний, Мустафо Адавий, Ториқ Эвазуллоҳ, Ваҳид Абдуссалом Болий, Ҳасан Ёсир каби шайхлардан таълим олган. IxlosOrg саҳифасининг асосчиларидан бири. 2013 йилдан буён Туркияда истиқомат қилиб, даъват ва диний таълим соҳаларида фаолият юритиб келмоқда.

Изоҳ қолдиринг