Талоқ ҳуқуқи эрга берилишининг ҳикмати

0

Талоқ ҳуқуқи эрга берилишининг ҳикмати:

Аллоҳ таоло талоқ қилиш ҳуқуқини эркакга берди. Аллоҳ таоло шундай дейди: “…ёки никоҳ қўлида бўлган киши кечиб юборса…” [Бақара: 237]. Уламоларнинг устун қарашларига биноан, оятдаги “никоҳ қўлида бўлган зот”дан мақсад эрдир. Талоқ қилиш ҳуқуқи хотинга берилмасдан эрга берилишининг ҳикматларини қуйидагича хулоса қилиш мумкин:

  • Аёлга нисбатан эркак кишининг ақл-иродаси кучли, онг-идроки кенг бўлиб, одатда ишнинг оқибатини ўйлаб, узоқни кўзлаб иш юритади. Эркакнинг акси ўлароқ, аёл киши ҳис-туйғу ва эҳтиросларга берилувчан бўлади.

  • Эрнинг аёлга нафақа қилиши унинг аёл устидан раҳбарлик қилишига ҳақли қилиб қўяди. Аллоҳ таоло шундай дейди: “Эркаклар хотинлар устидан раҳбардирлар. Бунга сабаб, Аллоҳ уларнинг бировларини бировларидан (яъни эркакларни аёллардан) ортиқ қилгани ва эркаклар (хотинлари ва оилалари учун) ўз мол-мулкларидан сарф-харажат қилганларидир”. [Нисо: 34].

  • Маҳр бериш эрга вожибдир. Шунинг учун, талоқ қилиш ҳуқуқи ҳам эрга берилди. Қолаверса, талоқ қилиш ҳуқуқи хотинга берилса, бу унинг тамагир бўлиб қолишига олиб бориши мумкин. Негаки, талоқ хотиннинг қўлида бўлса, турмушга чиқиб маҳрини олгач, бошқасига турмушга чиқиб яна бошқа маҳрни қўлга киритиш учун эрини талоқ қилишга ошиқиши мумкин.

Изоҳ қолдиринг