Янги маълумотлар
Search
IXLOS.ORG
HomeФАТВОЛАР16 ДУО ВА ЗИКРЛАР

Дўзахдан озод бўлиш дуоси ҳақида

0
By on 16 ДУО ВА ЗИКРЛАР ФАТВОЛАР

Савол:

Бир дуо бор экан, ким уни эрталаб тўрт марта айтса, Аллоҳ таоло уни дўзахдан озод этаркан. Бу қайси дуо?

Жавоб:

Бисмиллаҳ, Аллоҳ таолога ҳамду санолар, Пайғамбаримиз Муҳаммад Мустафога салавоту саломлар бўлсин!

Анас розияллоҳу анҳу айтади: “Расулуллоҳ соллаллоҳу алайҳи ва саллам: “Ким тонг оттирганида: “Аллоҳим, мен тонг оттирдим. Сени, аршингни кўтариб турган фаришталарни ва бошқа малоикаларни ҳамда барча махлуқотларингни гувоҳ қиламанки, Сен Ўзинг Аллоҳсан. Сенинг ёлғиз Ўзингдан бошқа ҳақ илоҳ йўқ. Сенинг шеригинг йўқ. Муҳаммад (соллаллоҳу алайҳи ва саллам) Сенинг банданг ва Расулинг” – деса, Аллоҳ таоло шу кун учун унинг тўртдан бирини дўзахдан озод этади. Агар тўрт марта айтса, Аллоҳ таоло уни шу куни учун тўлиқлигича дўзахдан озод этади” – дедилар” (Ибн Сунний “Амалул явми вал лайла”да (70), Бухорий “Ал-адабул муфрад”да (1201) ривоят қилган. Бу ҳадисни имом Нававий “Ал-азкор”да “жаййид” деган, Ибн Ҳажар эса “Натоижул афкор”да ҳасан деган).

Бу дуонинг арабча матни қуйидагича:

اللَّهُمَّ إِنِّي أَصْبَحْتُ أُشْهِدُكَ وَأُشْهِدُ حَمَلَةَ عَرْشِكَ،
وَمَلائِكَتَكَ وَجَمِيعَ خَلْقِكَ، أَنَّكَ أَنْتَ اللَّهُ لا إِلَهَ إِلا أَنْتَ،
وَحْدَكَ لا شَرِيكَ لَكَ، وَأَنَّ مُحَمَّدًا عَبْدُكَ وَرَسُولُكَ

Бу матннинг ўқилиши қуйидагича:

“Аллоҳумма инний  асбаҳту, ушҳидука ва ушҳиду ҳамалата аршика ва малааикатака ва жамийъа холқик, аннака анталлоҳу лаа илааҳа иллаа анта ваҳдака лаа шарийка лак, ва анна Муҳаммадан абдука ва расуулук”.

Эслатма! Бу каби дуолар мазмунини яхши англаган ҳолда арабча матни билан айтиш афзал, валлоҳу аълам.

Муҳаммад Ҳабибуллоҳ (Акбар Саматов): 1988 йил Самарқанд вилоятида таваллуд топган. Ўрта мактабни тугатганидан сўнг диний илм ўрганиш ниятида Тошкент шаҳридаги Кўкалдош мадрасасига ўқишга кирган. У ерда икки йил таълим олганидан сўнг араб тилини мукаммал ўрганиш мақсадида Миср Араб Республикасига бориб, у ердаги Ал-азҳар университетига ўқишга кирган ва университетнинг Исломий Шариат факултетини тугатган. Бошланғич ва асосий илмини шайх Содиқ Самарқандийдан олган. Шунингдек, Абу Исҳоқ Ҳувайний, Мустафо Адавий, Ториқ Эвазуллоҳ, Ваҳид Абдуссалом Болий, Ҳасан Ёсир каби шайхлардан таълим олган. IxlosOrg саҳифасининг асосчиларидан бири. 2013 йилдан буён Туркияда истиқомат қилиб, даъват ва диний таълим соҳаларида фаолият юритиб келмоқда.

Related Stories

Изоҳ қолдиринг