БИЗ ҲАҚИМИЗДА

Улар фақат ягона Аллоҳга ихлос ила бўйсунган ва ботилдан юз ўгириб, ҳаққа интилган ҳолларида ибодат қилишга буюрилдилар” (Баййина, 5);

Эркакми ё аёлми — кимда-ким мўмин бўлган ҳолида бирон солиҳ амал қилса, албатта унга ҳалол ризқ ва қаноатга тўла саодатли ҳаёт ато этурмиз” (Наҳл, 97);

Солиҳ амал инсонни икки дунё саодати сари етаклайди. Амал солиҳ ва мақбул бўлиши учун ихлос билан қилиниши ва суннатга мувофиқ бўлиши зарур.

Ixlos.org – исломий илм-маърифат ва даъват саҳифаси бўлиб, илм ва амалда аҳли суннат ва жамоат манҳажидан боради. Саҳифани юқори савияли шаръий илмга эга бир гуруҳ мутахассислар бошқаради. Ixlos.org саҳифаси соғлом исломий ақида, Қуръон ва суннатдан иборат ишончли далилларга асосланган шаръий аҳкомлар, умуман, турли шаръий илмларни, шунингдек, исломий қадриятларни ёйиш ва баён қилишни ўз олдига мақсад қилиб қўйган. Саҳифа динимизнинг кенг қамровлилик хусусиятидан келиб чиқиб, имкон қадар Исломнинг барча жабҳаларини ёритишга ҳаракат қилади. Шунингдек, саҳифа бирон жамоат ёки тоифа ғояларини ёхуд шахсий ва партиявий манфаатларни олға суриш ва ҳимоя қилишдан ҳамда турли қуролли гуруҳлар фаолиятидан мутлақо йироқдир.

Таҳририятимиз илм-маърифат ва даъват майдонида фаолият юритаётган барча ҳамкасбларни ҳамкорликка чақиради.

Аллоҳ барчамизга ихлос ва суннатга мувофиқ солиҳ амаллар қилиб, дунё ва охират саодатига эришишни насиб этсин!