Истиғфор нима дегани?

0

Савол:

Истиғфор нима дегани?

Жавоб:

Алҳамдулиллаҳ;
Истиғфор – Аллоҳ таолодан гуноҳларни кечиришини сўраш дегани. Истиғфорнинг энг афзали саййидул истиғфордир. Бу ҳақда Расулуллоҳ соллаллоҳу алайҳи ва саллам шундай деганлар: Саййидул истиғфор (истиғфорлар саййиди) банда: “Аллоҳим, Сен менинг Раббимсан, Сендан ўзга илоҳ йўқ. Сен мени яратдинг, мен эса Сенинг бандангман, қурбим етганича сенга (алмийсоқда) берган аҳду паймонимда тураман ва (қўлимдан келганича аҳду паймонига риоя қилганларга берган) ваъдангга (яъни жаннатга эришишга) ҳаракат қиламан. Қилган ёмон ишларимдан (ва камчиликларимдан) Ўзингдан паноҳ тилайман! Менга ато этган неъматларингни ҳам, қилган гуноҳларимни ҳам тан оламан. Мени кечиргин, зеро, гуноҳларни фақат Ўзинг кечиргайсан!” – деб айтмоғидир. Ким бу дуони комил ишонч билан эрталаб айтса-ю, кечқурунгача вафот этса, у жаннат аҳлидан бўлади. Кимда ким бу дуони комил ишонч билан кечқурун айтса-ю, эрталабгача вафот этса, у жаннат аҳлидан бўлади (Бухорий (6306) ва Насоий (5522) Шаддод ибн Авс розияллоҳу анҳудан ривоят қилган).

Дуонинг арабча матни қуйидагича:

اللَّهُمَّ أَنْتَ رَبِّي لَا إِلَهَ إِلَّا أَنْتَ خَلَقْتَنِي وَأَنَا عَبْدُكَ وَأَنَا عَلَى عَهْدِكَ وَوَعْدِكَ مَا اسْتَطَعْتُ أَعُوذُ بِكَ مِنْ شَرِّ مَا صَنَعْتُ أَبُوءُ لَكَ بِنِعْمَتِكَ عَلَيَّ وَأَبُوءُ لَكَ بِذَنْبِي فَاغْفِرْ لِي فَإِنَّهُ لَا يَغْفِرُ الذُّنُوبَ إِلَّا أَنْتَ.

Дуонинг ўқилиши қуйидагича:
Аллоҳумма анта роббий, лаа илааҳа иллаа анта. Холақтаний ва ана абдук, ва ана алаа аҳдика ва ваъдика мастатоъту. Ауузу бика мин шарри маа сонаъту. Абууъу лака биниъматика алайя ва абууъу лака бизанбий фағфир лий, фаиннаҳуу лаа яғфируз зунууба иллаа анта.

Эслатма:
Дуо ва зикрларнинг ўзбекча маъносини ўзлаштиргандан сўнг арабча матни билан айтиш мақсадга мувофиқ бўлади.

Муҳаммад Ҳабибуллоҳ (Акбар Саматов): 1988 йил Самарқанд вилоятида таваллуд топган. Ўрта мактабни тугатганидан сўнг диний илм ўрганиш ниятида Тошкент шаҳридаги Кўкалдош мадрасасига ўқишга кирган. У ерда икки йил таълим олганидан сўнг араб тилини мукаммал ўрганиш мақсадида Миср Араб Республикасига бориб, у ердаги Ал-азҳар университетига ўқишга кирган ва университетнинг Исломий Шариат факултетини тугатган. Бошланғич ва асосий илмини шайх Содиқ Самарқандийдан олган. Шунингдек, Абу Исҳоқ Ҳувайний, Мустафо Адавий, Ториқ Эвазуллоҳ, Ваҳид Абдуссалом Болий, Ҳасан Ёсир каби шайхлардан таълим олган. IxlosOrg саҳифасининг асосчиларидан бири. 2013 йилдан буён Туркияда истиқомат қилиб, даъват ва диний таълим соҳаларида фаолият юритиб келмоқда.

Изоҳ қолдиринг