Ҳаром амаллар: Даюслик

Абдуллоҳ ибн Умар розияллоҳу анҳумодан ривоят қилинади: Расулуллоҳ соллаллоҳу алайҳи ва саллам айтдилар: “Аллоҳ уч тоифага – ичкиликка муккасидан кетган кимсага, ота-онасига оқ бўлган фарзандга ва аҳли оиласининг нопок ишларига кўз юмадиган даюсга жаннатни ҳаром қилган” (Имом Аҳмад ривояти).

Хонадонидаги хотин-қизларнинг бегона эркаклар билан алоқа ўрнатиб, учрашиб, гаплашиб юришларига кўз юмиш, улардан бирини бегона эркак билан ёлғиз қолдириш, ёлғиз ўзини ҳайдовчига қўшиб машинага ўтқазиб юбориш, ношаръий либосда, ўтган ҳам, кетган ҳам қарайдиган ҳолда кўчага чиқишига рози бўлиш, фисқу фасод ва бузуқликни ташвиқ қилувчи фильм ва журналларни уйга киритиш асримизда кенг тарқалган даюслик кўринишларидир.