Рамазон рўзасининг ҳукми

Рамазон рўзаси

Рамазон рўзасининг ҳукми:

Рамазон рўзаси Қуръон, суннат ва ижмо билан вожибдир.

Қуръондан далил: Аллоҳ таоло шундай дейди: “Эй мўминлар,  тақволи кишилар бўлишингиз учун сизлардан илгари ўтганларга фарз қилингани каби сизларга ҳам саноқли кунларда рўза тутиш фарз қилинди” [Бақара: 183]. Аллоҳ таоло шундай дейди: “Бас,  сизлардан ким бу ойга ҳозир бўлса,  рўза тутсин” [Бақара: 185].

Суннатдан далил: “Икки саҳиҳ ҳадислар тўплами” ва “Сунан” китобларида Ибн Умар розияллоҳу анҳумодан ривоят қилинган ҳадисда Расулуллоҳ соллаллоҳу алайҳи ва саллам шундай дейдилар: “Ислом беш (устун) устида қурилган: Аллоҳдан ўзга (ҳақ) илоҳ йўқ ва Муҳаммад Аллоҳнинг Расули деб гувоҳлик бериш, намоз ўқиш, закот бериш, Рамазон (ойи) рўзасини тутиш ва йўл (харажати)га қодир бўлган кишига уй (Каъба)ни ҳаж қилиш”[1].

Ижмодан далил: уммат рамазон ойининг рўзаси вожиб эканига ижмо қилган.

Рамазон рўзасининг даражаси: Рамазон  рўзаси ислом рукнларидан биридир. Унинг фарзлигини инкор этган киши диндан қайтган кофир ҳисобланади.

[1] Бухорий (8), Муслим (16), Термизий (2609) ва Насоий (8\107) ривоят қилганлар.