إِنَّا أَنزَلْنَا إِلَيْكَ الْكِتَابَ بِالْحَقِّ لِتَحْكُمَ بَيْنَ النَّاسِ بِمَا أَرَاكَ اللَّهُ وَلا تَكُنْ لِلْخَائِنِينَ خَصِيماً (105)
Эй Расул, одамлар орасида Аллоҳ сизга ваҳий қилган ва кўрсатган ҳукмлар билан ажрим қилишингиз учун Биз сизга ҳақ бўлган Қуръонни нозил қилдик. Сиз ҳақни яшириб ўзларига хиёнат қилган кимсаларни сизга айтган нотўғри сўзларига ишониб, ҳимоя қилманг!
وَاسْتَغْفِرِ اللَّهَ إِنَّ اللَّهَ كَانَ غَفُوراً رَحِيماً (106)
Мудом Аллоҳ таолодан гуноҳларингизни кечиришини сўранг. Албатта, Аллоҳ таоло Унинг фазли ва мағфиратини умид қилган кишини кечирувчи ва унга раҳмли зотдир.
وَلا تُجَادِلْ عَنِ الَّذِينَ يَخْتَانُونَ أَنفُسَهُمْ إِنَّ اللَّهَ لا يُحِبُّ مَنْ كَانَ خَوَّاناً أَثِيماً (107)
Гуноҳ ишлар қилиш билан ўзларига хиёнат қиладиган кимсалар тарафини олманг. Аллоҳ таоло ўтакетган хиёнатчи ва гуноҳи кўп кимсаларни ёқтирмайди.
يَسْتَخْفُونَ مِنَ النَّاسِ وَلا يَسْتَخْفُونَ مِنَ اللَّهِ وَهُوَ مَعَهُمْ إِذْ يُبَيِّتُونَ مَا لا يَرْضَى مِنَ الْقَوْلِ وَكَانَ اللَّهُ بِمَا يَعْمَلُونَ مُحِيطاً (108)
Улар ёмон қилмишларини одамлар билиб қолмаслиги учун улардан яширадилар. Лекин Аллоҳ таолодан яширмайдилар, Ундан ҳаё қилмайдилар. Аллоҳ улар билан бирга, уларни доим кўриб-билиб туради. Улар тунда Аллоҳ рози бўлмайдиган сўзларни хуфёна режалаётганларида Аллоҳ улардан хабардор. Аллоҳ таоло уларнинг барча сўз ва ишларини қамраб олувчи зотдир, ҳеч нарса Унга махфий қолмайди.
هَاأَنْتُمْ هَؤُلاءِ جَادَلْتُمْ عَنْهُمْ فِي الْحَيَاةِ الدُّنْيَا فَمَنْ يُجَادِلُ اللَّهَ عَنْهُمْ يَوْمَ الْقِيَامَةِ أَمْ مَنْ يَكُونُ عَلَيْهِمْ وَكِيلاً (109)
Ҳой, сиз мўминлар, бу дунёда-ку ўзларига хиёнат қилган кимсаларнинг ёнини олиб, улар фойдасига гапирдингиз. Энди қайта тирилиш ва ҳисоб-китоб кунида ким уларнинг ёнини олиб, Аллоҳ таоло билан тортишади?! Ёки ким қиёмат куни у хоин кимсаларнинг вакили бўлади?!
وَمَنْ يَعْمَلْ سُوءاً أَوْ يَظْلِمْ نَفْسَهُ ثُمَّ يَسْتَغْفِرِ اللَّهَ يَجِدِ اللَّهَ غَفُوراً رَحِيماً (110)
Ким бир қабиҳ, ёмон ишга қўл урса ёки Аллоҳнинг ҳукми ва шариатига зид иш қилиб, ўзига зулм қилса, кейин қилган ишига пушаймон бўлиб, гуноҳини яширишини ва кечиришини умид қилиб Аллоҳга қайтса, Аллоҳни кечирувчи ва раҳмли эканини кўради.
وَمَنْ يَكْسِبْ إِثْماً فَإِنَّمَا يَكْسِبُهُ عَلَى نَفْسِهِ وَكَانَ اللَّهُ عَلِيماً حَكِيماً (111)
Ким қасддан бир гуноҳни қилса, бу билан фақат ўзига зарар етказади. Аллоҳ таоло бандаларининг ишлари ҳақиқатини яхши билувчи ва бандалари ўртасида қиладиган ҳукмларида ҳикмат соҳиби бўлган зотдир.
وَمَنْ يَكْسِبْ خَطِيئَةً أَوْ إِثْماً ثُمَّ يَرْمِ بِهِ بَرِيئاً فَقَدْ احْتَمَلَ بُهْتَاناً وَإِثْماً مُبِيناً (112)
Ким беқасд бир гуноҳга қўл урса ёки қасддан бир гуноҳни қилса, кейин уни бунга алоқаси бўлмаган бир айбсиз кишига тўнкаса, аниқки, у бўҳтонни ва очиқ гуноҳни ўз гарданига олибди.
وَلَوْلا فَضْلُ اللَّهِ عَلَيْكَ وَرَحْمَتُهُ لَهَمَّتْ طَائِفَةٌ مِنْهُمْ أَنْ يُضِلُّوكَ وَمَا يُضِلُّونَ إِلاَّ أَنفُسَهُمْ وَمَا يَضُرُّونَكَ مِنْ شَيْءٍ وَأَنزَلَ اللَّهُ عَلَيْكَ الْكِتَابَ وَالْحِكْمَةَ وَعَلَّمَكَ مَا لَمْ تَكُنْ تَعْلَمُ وَكَانَ فَضْلُ اللَّهِ عَلَيْكَ عَظِيماً (113)
Эй Расул, Аллоҳ сизга пайғамбарлик неъматини ато этиш билан фазлу марҳамат кўрсатмаганида ва ваҳийсига муваффақ этиш билан сизни Ўзи асрамаганида эди, ўзларига хиёнат қилган кимсалардан бир гуруҳи сизни ҳақ йўлдан адаштириб юборишни қасд қилган бўларди, натижада сиз адолатсиз ҳукм қилган бўлардингиз. Бироқ улар бу билан фақат ўзларини адаштиришади ва Аллоҳ сизни асрагани туфайли сизга азият беришга қодир бўлишмайди. Аллоҳ таоло сизга Қуръонни ҳамда уни баён қилиб берувчи Суннатни нозил қилди, сизни илгари ўзингиз билмаган нарсаларни билишга йўллаб қўйди. Аллоҳ таолонинг сизга хос ато этган фазл-марҳаматлари жуда ҳам каттадир.
لا خَيْرَ فِي كَثِيرٍ مِنْ نَجْوَاهُمْ إِلاَّ مَنْ أَمَرَ بِصَدَقَةٍ أَوْ مَعْرُوفٍ أَوْ إِصْلاحٍ بَيْنَ النَّاسِ وَمَنْ يَفْعَلْ ذَلِكَ ابْتِغَاءَ مَرْضَاةِ اللَّهِ فَسَوْفَ نُؤْتِيهِ أَجْراً عَظِيماً (114)
Одамларнинг ўзаро гаплашадиган аксарият хуфёна гапларида ҳеч бир фойда йўқ. Фақат садақа қилиш ёки яхши сўзлар айтиш каби яхшиликларга чорловчи ёки одамлар ўртасини ислоҳ қилишга чақирувчи сўз бўлса, бундан мустаснодир. Ким шундай ишларни Аллоҳнинг розилигини истаб ва савоб умидида қилса, Биз унга мўл-кўл ажр-савоблар ато этамиз.
وَمَنْ يُشَاقِقِ الرَّسُولَ مِنْ بَعْدِ مَا تَبَيَّنَ لَهُ الْهُدَى وَيَتَّبِعْ غَيْرَ سَبِيلِ الْمُؤْمِنِينَ نُوَلِّهِ مَا تَوَلَّى وَنُصْلِهِ جَهَنَّمَ وَسَاءَتْ مَصِيراً (115)
Ким ҳақиқатни аниқ билганидан кейин пайғамбар Муҳаммад саллаллоҳу алайҳи ва салламга мухолиф бўлса ва мўминларнинг ҳақ йўлидан ўзга йўлни тутса, Биз уни ўзи танлаган йўлига ташлаб қўямиз. Уни яхшиликка муваффақ этмаймиз, охир-оқибат уни алангасида ёнадиган жаҳаннамга киритамиз. Бу нақадар ёмон оқибатдир!
