Намоз ўқиш тақиқланган вақтлар
Қуйидаги вақтларда намоз ўқиш тақиқланади:
Бомдод намозидан кейин то қуёш бир найза бўйи кўтарилгунча;
Қуёш қиёмга келгандан то заволга (ботиш томонга) оққунича (Пешин намозининг азонидан тақрибан 15 дақиқа олдинги вақт);
Аср намозидан кейин то қуёш ботгунича.
Ушбу вақтларда сабаби бўлмаган нафл намозларни ўқиш жоиз эмас.
Бу вақтларда ўтказиб юборилган фарз намозларнинг қазосини, тавофдан кейинги икки ракаатни, ўтказиб юборилган суннат намозининг қазосини ва (кусуф намози каби) сабаби бўлган нафл намозларни ўқиш жоиздир.
