Абдуллоҳ ибн Аббос разияллоҳу анҳумодан ривоят қилинишича, у шундай дейди: “Расулуллоҳ саллаллоҳу алайҳи ва саллам: “Ким доим истиғфор айтиб юрса, Аллоҳ унга ҳар қандай тангликдан чиқиш ва ҳар қандай ғамдан қутулиш йўлини кўрсатади ва уни ўйламаган томондан ризқлантиради”, дедилар” (Абу Довуд ривояти).
Ҳадисдан олинадиган сабоқлар:
Истиғфор Аллоҳ таолога итоат қилиш ва Пайғамбар саллаллоҳу алайҳи ва салламга эргашишдир.
Истиғфор инсонга дунё ва охиратда манфаат келтиради.
Истиғфорнинг дунёдаги самараларидан: ташвишларни кетказиш, ғам-ғуссаларни аритиш ва мол-дунёлар ва ризқларни келишига сабаб бўлиш.