وَلُوطًا إِذۡ قَالَ لِقَوۡمِهِۦٓ أَتَأۡتُونَ ٱلۡفَٰحِشَةَ مَا سَبَقَكُم بِهَا مِنۡ أَحَدٖ مِّنَ ٱلۡعَٰلَمِينَ ﴿٨٠﴾
80. Эй Расул, эсланг, Лут алайҳиссалом қавмига деди: “Сизлар қабиҳликнинг чўққисига етган жирканч ишни қиласизми?! Бу ишни сизлардан илгари ҳеч бир халқ қилмаган эди.
إِنَّكُمۡ لَتَأۡتُونَ ٱلرِّجَالَ شَهۡوَةٗ مِّن دُونِ ٱلنِّسَآءِۚ بَلۡ أَنتُمۡ قَوۡمٞ مُّسۡرِفُونَ ﴿٨١﴾
81. Сизлар Аллоҳ ҳалол қилиб қўйган хотинларингизни қўйиб, нафс шаҳватини қондириш мақсадида нақадар жирканч эканига парво қилмай, эркакларга жинсий яқинлик қилмоқдасиз. Сизлар шаҳватни қондириш ва гуноҳ қилишда ҳаддан ошган бир қавмсиз”.
Дарҳақиқат, баччабозлик (хотинларни қўйиб, эркакларга жинсий яқинлик қилиш) Лут қавми пайдо қилган фаҳш иш бўлиб, илгари ҳеч бир халқ бу ишни қилмаган эди.
وَمَا كَانَ جَوَابَ قَوۡمِهِۦٓ إِلَّآ أَن قَالُوٓاْ أَخۡرِجُوهُم مِّن قَرۡيَتِكُمۡۖ إِنَّهُمۡ أُنَاسٞ يَتَطَهَّرُونَ ﴿٨٢﴾
82. Лут ўз қавмининг бу жирканч ишига қарши чиққанида қавми унга жавобан бир-бирларига шундай дейишди: “Сизлар Лут ва унинг аҳлини диёрингиздан қувиб чиқаринг! Зеро, у ва унга эргашган кимсалар эркакларнинг орқасига жинсий яқинлик қилишдан жирканадиган одамлардир”.
فَأَنجَيۡنَٰهُ وَأَهۡلَهُۥٓ إِلَّا ٱمۡرَأَتَهُۥ كَانَتۡ مِنَ ٱلۡغَٰبِرِينَ ﴿٨٣﴾
83. Аллоҳ таоло Лут ва унинг аҳлини бу диёрни ташлаб чиқиб кетишга буюрди ва шу тариқа уларни азобдан сақлади. Фақат унинг аёли бундан мустасно, у Аллоҳнинг азобига дучор бўлиб, ҳалок бўлган кимсалардан бўлди.
وَأَمۡطَرۡنَا عَلَيۡهِم مَّطَرٗاۖ فَٱنظُرۡ كَيۡفَ كَانَ عَٰقِبَةُ ٱلۡمُجۡرِمِينَ ﴿٨٤﴾
84. Аллоҳ таоло Лут қавми кофирларини устларига тош ёмғири ёғдириш ва диёрларини остин-устин қилиб ташлаш билан азоблади. Эй Расул, Аллоҳга осий бўлишга журъат этган, унинг пайғамбарларини ёлғончига чиқарган кимсаларнинг оқибати қандай бўлганини кўринг.
وَإِلَىٰ مَدۡيَنَ أَخَاهُمۡ شُعَيۡبٗاۚ قَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥۖ قَدۡ جَآءَتۡكُم بَيِّنَةٞ مِّن رَّبِّكُمۡۖ فَأَوۡفُواْ ٱلۡكَيۡلَ وَٱلۡمِيزَانَ وَلَا تَبۡخَسُواْ ٱلنَّاسَ أَشۡيَآءَهُمۡ وَلَا تُفۡسِدُواْ فِي ٱلۡأَرۡضِ بَعۡدَ إِصۡلَٰحِهَاۚ ذَٰلِكُمۡ خَيۡرٞ لَّكُمۡ إِن كُنتُم مُّؤۡمِنِينَ ﴿٨٥﴾
85. Биз Мадян қабиласига биродарлари Шуайб алайҳиссаломни пайғамбар қилиб юбордик. Шуайб уларга деди: “Эй қавмим, ягона ва шериксиз Аллоҳнинг ўзигагина ибодат қилинг! Сизлар учун Ундан ўзга ибодатга лойиқ ҳақ илоҳ йўқ. Шундай экан, фақат Унга ибодат қилинг! Сизларга Раббингиздан мен сизларни чорлаётган диннинг ҳақлигини кўрсатувчи далиллар келди. Сизлар ўлчов ва тарозини тўғри қилиш билан одамларнинг ҳақларини тўла адо этинг! Уларнинг ҳақларини уриб қолиб, зулм қилманг! Ер юзи олдинги пайғамбарларнинг шариатлари орқали обод бўлганидан кейин энди унда куфр ва зулм билан бузғунчилик қилманг! Мен чақираётган динга иймон келтириб, Аллоҳнинг шариатига амал қилсангиз, дунёнгизда ҳам, охиратингизда ҳам ўзингиз учун яхши бўлади.
وَلَا تَقۡعُدُواْ بِكُلِّ صِرَٰطٖ تُوعِدُونَ وَتَصُدُّونَ عَن سَبِيلِ ٱللَّهِ مَنۡ ءَامَنَ بِهِۦ وَتَبۡغُونَهَا عِوَجٗاۚ وَٱذۡكُرُوٓاْ إِذۡ كُنتُمۡ قَلِيلٗا فَكَثَّرَكُمۡۖ وَٱنظُرُواْ كَيۡفَ كَانَ عَٰقِبَةُ ٱلۡمُفۡسِدِينَ ﴿٨٦﴾
86. Ҳар кўчада ўтириб олиб, молларини сизларга беришдан бош тортган одамларни ўлдириш билан пўписа қилиб, Аллоҳга иймон келтирган ва яхши амал қилган кишиларни Унинг ҳақ йўлидан тўсманг! Нафсингизга эргашиб, Аллоҳнинг тўғри йўлини бузиб кўрсатиб, унга эргашишдан одамларни бездирманг! Аллоҳнинг сизларга берган неъматларини ёдга олинг: камчилик эдингиз, сонингизни кўпайтирди, натижада куч-қувват эгаси бўлдингиз. Ерда бузғунчилик қилиб юрувчи кимсаларнинг оқибатини, улар бошига келган ҳалокат ва фалокатларни кўриб, ибрат олинг!
وَإِن كَانَ طَآئِفَةٞ مِّنكُمۡ ءَامَنُواْ بِٱلَّذِيٓ أُرۡسِلۡتُ بِهِۦ وَطَآئِفَةٞ لَّمۡ يُؤۡمِنُواْ فَٱصۡبِرُواْ حَتَّىٰ يَحۡكُمَ ٱللَّهُ بَيۡنَنَاۚ وَهُوَ خَيۡرُ ٱلۡحَٰكِمِينَ ﴿٨٧﴾
87. Сизлардан бир гуруҳ Аллоҳ менга юборган динга иймон келтирган, бир гуруҳ эса унга иймон келтирмаган бўлса, у ҳолда эй иймон келтирмаганлар, мен сизларни огоҳлантирган Аллоҳнинг азоби бошингизга келадиган кунда сизлар билан бизнинг ўртамизда ажрим қилувчи Аллоҳнинг ҳукмини кутинг! Аллоҳ азза ва жалла бандалар ўртасида ҳукм қилувчиларнинг энг яхшисидир”.
الجزء ﴿9﴾
Тўққизинчи жуз
قَالَ ٱلۡمَلَأُ ٱلَّذِينَ ٱسۡتَكۡبَرُواْ مِن قَوۡمِهِۦ لَنُخۡرِجَنَّكَ يَٰشُعَيۡبُ وَٱلَّذِينَ ءَامَنُواْ مَعَكَ مِن قَرۡيَتِنَآ أَوۡ لَتَعُودُنَّ فِي مِلَّتِنَاۚ قَالَ أَوَلَوۡ كُنَّا كَٰرِهِينَ ﴿٨٨﴾
88. Шуайб алайҳиссаломнинг қавмидаги Аллоҳга иймон келтиришдан ва Унинг пайғамбарига эргашишдан бўйин товлаган зодагонлар: “Эй Шуайб, агар сен ва сенга эргашган мўминлар динимизга қайтмасангиз, барчангизни диёримиздан қувиб чиқарамиз”, дейишди. Шуайб уларга эътироз билдириб, таажжуб билан: “Биз сизларнинг динингизни ботиллигини билганимиз учун ёмон кўрдик. Унинг ботил ва ноҳақ эканини билатуриб, унга эргашамизми?!” деди.
قَدِ ٱفۡتَرَيۡنَا عَلَى ٱللَّهِ كَذِبًا إِنۡ عُدۡنَا فِي مِلَّتِكُم بَعۡدَ إِذۡ نَجَّىٰنَا ٱللَّهُ مِنۡهَاۚ وَمَا يَكُونُ لَنَآ أَن نَّعُودَ فِيهَآ إِلَّآ أَن يَشَآءَ ٱللَّهُ رَبُّنَاۚ وَسِعَ رَبُّنَا كُلَّ شَيۡءٍ عِلۡمًاۚ عَلَى ٱللَّهِ تَوَكَّلۡنَاۚ رَبَّنَا ٱفۡتَحۡ بَيۡنَنَا وَبَيۡنَ قَوۡمِنَا بِٱلۡحَقِّ وَأَنتَ خَيۡرُ ٱلۡفَٰتِحِينَ ﴿٨٩﴾
89. Шуайб қавмига деди: “Аллоҳ бизни сизларнинг динингиздан қутқарганидан сўнг яна унга қайтсак, Аллоҳ шаънига ёлғон тўқиган бўламиз-ку! Биз Раббимизнинг динидан бошқасига ўтишимиз жоиз эмас, магар Раббимиз Ўзи истасагина ўтишимиз мумкин. Раббимиз ҳамма нарсани яхши билувчи зот, У бандалари учун нима яхши эканини Ўзи билади. Биз ёлғиз Аллоҳнинг ўзига суянамиз, ҳидоят ҳам, нусрат ҳам Ундан деб ишонамиз. Эй Раббимиз, биз билан қавмимиз ўртасида Ўзинг ҳақ билан ҳукм қил, Сен ҳукм қилувчиларнинг энг яхшисидирсан”.
وَقَالَ ٱلۡمَلَأُ ٱلَّذِينَ كَفَرُواْ مِن قَوۡمِهِۦ لَئِنِ ٱتَّبَعۡتُمۡ شُعَيۡبًا إِنَّكُمۡ إِذٗا لَّخَٰسِرُونَ ﴿٩٠﴾
90. Тавҳид даъватига қарши чиқиб, уни ёлғонга чиқарган зодагон ва бошлиқлар одамларни Шуайбга эргашишдан қаттиқ огоҳлантириб: “Қасамки, Шуайбга эргашсангиз, албатта ҳалок бўласиз”, дедилар.
فَأَخَذَتۡهُمُ ٱلرَّجۡفَةُ فَأَصۡبَحُواْ فِي دَارِهِمۡ جَٰثِمِينَ ﴿٩١﴾
91. Шундан сўнг Шуайбнинг қавмини қаттиқ зилзила тутди, улар уй-жойлари ичида ҳалок бўлиб, тўкилиб қолдилар.
ٱلَّذِينَ كَذَّبُواْ شُعَيۡبٗا كَأَن لَّمۡ يَغۡنَوۡاْ فِيهَاۚ ٱلَّذِينَ كَذَّبُواْ شُعَيۡبٗا كَانُواْ هُمُ ٱلۡخَٰسِرِينَ ﴿٩٢﴾
92. Шуайбга иймон келтирмаганлар гўё бу диёрларда яшамагандек, ундаги неъматлардан ҳеч баҳраманд бўлмагандек бўлиб қолдилар. Чунки ҳаммаси ер билан яксон бўлиб, бирон асари ҳам қолмади. Уларга дунёю охиратда зиён ва ҳалокат етди.
فَتَوَلَّىٰ عَنۡهُمۡ وَقَالَ يَٰقَوۡمِ لَقَدۡ أَبۡلَغۡتُكُمۡ رِسَٰلَٰتِ رَبِّي وَنَصَحۡتُ لَكُمۡۖ فَكَيۡفَ ءَاسَىٰ عَلَىٰ قَوۡمٖ كَٰفِرِينَ ﴿٩٣﴾
93. Шуайб алайҳиссалом уларнинг бошларига азоб тушишига ишонч ҳосил қилгач, улардан юз ўгирди ва: “Эй қавмим, мен сизларга Раббимнинг рисолатларини етказдим, Аллоҳнинг динига кириш ва қилиб турган бу ишларингиздан тийилиш ҳақида сизларга насиҳат қилдим, қулоқ солиб, итоат қилмадинглар. Энди мен Аллоҳнинг ягоналигини инкор қилган, Унинг пайғамбарларини ёлғончига чиқарган қавмга қандай қайғурай?!” деди.
