Нифосдаги аёлнинг иддаси

0

Савол:

Аёл киши туққанидан сўнг нифоси тугамасдан олдин эри вафот этса, иддаси қандай бўлади?

Жавоб:

Алҳамдулиллаҳ;

Аёлнинг нифоси тугамасдан олдин эри вафот этса, гарчи фарзанд туғилгандан сўнг беш дақиқа ўтиб вафот этган бўлса ҳам, у эри ўлган бошқа аёллар каби тўрт ою ўн кун идда сақлайди. Аллоҳ таоло бу ҳақда шундай марҳамат қилади: “Сизлардан бирингиз вафот этиб, ортида хотинлари қолган бўлса, улар (хотинларингиз) тўрт ою ўн кун идда сақлайдилар[Бақара: 234].

Шуни эслатиб ўтиш лозимки, бу ҳолатда идда муддати ҳижрий-қамарий ой бўйича ҳисобланади. Маълумки, ҳижрий-қамарий ой йигирма тўққиз ё ўттиз кундан иборат бўлади. Бир аёлнинг эри ой асносида вафот этса ва у ой йигирма тўққиз кундан иборат бўлса, уни ўттиз кун санаб, ундан кейин уч ою ўн кун идда сақлайди. Шунда жами тўрт ою ўн кун идда сақлаган саналади.

Масалан, агар эр жумодил-увлонинг бешинчи куни вафот этса ва у ой йигирма тўққиз кундан иборат бўлса, аёли жумодил-увлонинг бешинчи кунидан бошлаб, то рамазоннинг ўн олтинчи кунига қадар идда сақлайди. Борди-ю, жумодил-увло ўттиз кун бўлса, у ҳолда унинг иддаси рамазон ойининг ўн бешинчи куни тугайди, валлоҳу аълам.

Ушбу фатвони тайёрлашда Islamweb веб саҳифасидан фойдаланилди.

Изоҳ қолдиринг